ilo kijetesantakaluotokieni

nimi

kijetesantakaluotokieni - kijetesantakalu toki pi ken ante.

nasin ken

kijetesantakaluotokieni [--lukin LUKIN] [--uta UTA] [--nimi KIJE] [--ijo IJO] [--linja LINJA] [--poki POKI] [--kule KULE] [--pakala NANPA_PAKALA] [--pakala-ala] [toki...]

kijetesantakaluotokieni [--o-sama] [--moli] [--wile-mani] [--monsuta] [--kasi-nasa] [--lape] [--wawa] [--lili] [--suwi] [--pilin] [toki...]

kijetesantakaluotokieni --seme

kijetesantakaluotokieni --help

kijetesantakaluopilineni [toki pi ken ante...] [toki...]

kijesay [toki pi ken ante...] [toki...]

kijethink [toki pi ken ante...] [toki...]

ni li seme?

ilo kijetesantakaluotokieni li pali e sitelen kijetesantakalu toki. ona li toki e toki pana sina. sina pana ala e toki la ona li kepeken nasin stdin. ona li sama ilo cowsay lon nasin mute. toki ale cowsay pi ken ante li pona tawa ilo kijetesantakaluotokieni. taso, ken ante sin li lon ilo kijetesantakaluotokieni! sina wile sona e ken ante ale la o lukin lon lipu ni.

nimi kijetesantakaluotokieni en nimi kijetesantakaluopilineni li suli mute a! sina wile e nimi lili la sina ken kepeken nimi "kijesay" en nimi "kijethink".

lawa kepeken li lon tawa ilo kijetesantakaluotokieni. lawa li lon lipu LICENSE.md. taso lawa kepeken li lon ala tawa sitelen tan ilo ni. sina pali e sitelen kepeken ilo ni, la sina ken pali e ijo ale kepeken sitelen a! sina wile ala pana e mani tawa mi. sina wile ala pana e nimi mi. sina ken pana e nimi mi la sina pona, taso sina wile ala. o pona!

lanpan ilo

sina wile lanpan e ilo la sina ken kepeken ilo cargo

cargo install kijetesantakaluotokieni

toki pi ken ante

ante sitelen

--lukin SITELEN, -e SITELEN

sina pana e sitelen wan la lukin ale li kama ni. sina pana e sitelen tu, la lukin li kama sitelen nanpa ona.

--uta SITELEN, -T SITELEN

sina pana e sitelen wan la uta nanpa wan li kama sitelen. uta nanpa tu li awen ante ala. sina pana e sitelen tu, la uta li kama sitelen nanpa ona.

--ijo SITELEN, -o SITELEN

sina ken pana e ijo tawa kijetesantakalu sina. suwi a <3.

--linja SITELEN, -i SITELEN

ni li ante e linja pi poki toki. sina ken pana e sitelen wan, la linja ale li kama ona. sina pana e sitelen mute la sama ona li ni:

123 /|\

--poki SITELEN, -u SITELEN

ni li ante e selo pi poki toki. sina ken pana e sitelen wan, la selo ale li kama ona. sina pana e sitelen mute la sama ona li ni:

--poki 1234567890 1111 1111 5 mu 6 2 mu 3 9 mu 0 4444 7 mu 8 4444

sina wile ala pana e sitelen luka luka, la sina ken pana e sitelen pi nanpa lili. ilo li ken pona kepeken suli ale.

--poki 12345 1111 1111 5 mu 3 2 mu 3 2 mu 3 4444 2 mu 3 444410

--kule KULE, -k KULE

nimi KULE li ken nimi kule. sina kepeken sitelen suli lon nimi kule ("LASO", "Laso", "lAsO") la kule li kama wawa. nimi kule ale li ni:

• walo
• pimeja
• laso
• jelo
• loje
• kasi
• sewi
• unu

nimi KULE li ken nasin sitelen kin. nasin sitelen ale li ni:

• suli / wawa: linja sitelen li kama suli
• len: kule sitelen li kama wawa ala.
• mamamije: linja sitelen li kepeken nasin sitelen pi ma Italija (sama ni lmao)
• sike: sitelen li kama li weka li kama li weka ...

sina ken kepeken nasin sitelen mute. taso, sina ken kepeken nimi kule wan taso.

--nimi KIJE, -f KIJE

nimi KIJE li wile wan ni:

• sina ken kepeken nimi sitelen pi ilo kijetesantakaluotokieni. ken: --nimi soweli
• sina ken kepeken nimi suli tawa lipu kije. ken: --nimi /home/mi/kije/kalijopilale
• nimi poki pi lipu kije li lon nimi $NASINKIJE, la sina ken kepeken nimi lili pi lipu kije lon poki ni. ken: nimi $NASINKIJE li "/home/mi/kije". lipu "kalijopilale" li lon poki "/home/mi/kije". ni la --nimi kalijopilale li pona tawa ilo.

sina wile lukin e nimi sitelen ale la o kepeken --seme.

ante pi pakala toki

--pakala NANPA, -W NANPA

ilo li pakala e toki sina lon sitelen nanpa NANPA.

--pakala-ala, -n

ilo li pakala ala e toki sina. sina wile pana e toki pi ilo figlet (anu ilo sama) tawa ilo kijetesantakaluotokieni la o kepeken ni.

wile sona

--seme, -l

ni li pana e nimi sitelen ale.

• ona li pana e nimi sitelen pi ilo kijetesantakaluotokieni
• poki lipu li lon nimi $NASINKIJE la ilo li alasa lon poki ni, li pana e nimi lipu ale lon ona.

o kipisi e nimi poki lon nimi $NASINKIJE kepeken sitelen ":". sama ni: "/usr/local/share/kije:/home/mi/kije"

--help, -h

ni li pana e ken ante ale.

--inli, -I

toki pakala li kepeken toki Inli.

ante musi

--o-sama (-b) la ona li lukin sama kulupu Borg tan sitelen Tawa Mun: Kulupu Sin. --moli(-d) la ona li pini :c. --wile-mani (-g) la wile ona li kama ike. ona li ken pilin --monsuta (-p). --kasi-nasa (-s) la ona li moku e kasi nasa mute. tenpo mute la ona li pilin --lape (-t). taso ona li moku e telo pimeja la ona li pilin --wawa (-w). --lili (-y) la lukin ona li kama lili. kin la sina ken --suwi (-z) e lukin ona. sina kepeken wan taso pi toki ante ni, la ale li pona. taso, sina kepeken ni mute, la ona li ken nasa.

sina kepeken --pilin (-P) la kijetesantakalu li toki insa. ni li sama nimi kijetesantakaluopilineni en nimi kijethink

lipu kije

sina wile e sitelen sin, la o pali e lipu kije lon nasin ni:

• lipu li ken open kepeken sona pi mama lipu, anu toki ante. sina wile e ni la o open e linja kepeken sitelen "#". ni li wile ala
• lipu li wile e linja open luka:
  1. nanpa pi poki toki: poki toki li wan kepeken linja toki lon sitelen nanpa ni.
  2. lukin nanpa wan pi ante ala: --lukin li lon ala, la lukin nanpa wan ($1) li ni.
  3. lukin nanpa tu pi ante ala: --lukin li lon ala, la lukin nanpa tu ($2) li ni.
  4. uta nanpa wan pi ante ala: --uta li lon ala, la uta nanpa wan ($3) li ni.
  5. uta nanpa tu pi ante ala: --uta li lon ala, la uta nanpa tu ($4) li ni.
• linja ante ale li kama sitelen. sina ken kepeken nimi wawa ni lon sitelen sina:
  • $1: lukin nanpa wan.
  • $2: lukin nanpa tu.
  • $3: uta nanpa wan.
  • $4: uta nanpa tu.
  • $5: linja toki nanpa wan. --linja li lon ala, la ona li kama "/".
  • $6: linja toki nanpa tu. --linja li lon ala, la ona li kama "|".
  • $7: linja toki nanpa mute. --linja li lon ala, la ona li kama "\".
  • $8: kule ante. --kule li lon, la sitelen ale lon teje ona li kama kule ante. --kule li lon ala, la kule li ante ala. suli ona li ala; ona li sama "" lon sitelen.
  • $9: kule ala. ona li weka e kule ante ali tan sitelen ali lon teje ona. suli ona li ala; ona li sama "" lon sitelen.
  • $0: sitelen ijo li tawa ni. --ijo li lon ala, la ona li kama " ".

lipu kije ni li pona :

```

greets tawa wasoweli Awasi, tawa kulupu Aponi, tawa soweli ilijana

tawa lipamanka, tawa jan Tepo, tawa jan Sonja, tawa blackle

7 o o w

  $7
   $7

$8 _ $9$7 $8 $1$3$2) $9$5 $8 |||| $9$0 ```

sina pana e lipu kije ni tawa ilo kijetesantakaluotokieni kepeken --nimi, la ona li pali e ni:

____ < mu > ---- \ \ ___ \ owo) / ||||

nimi pi ilo sona $NASINKIJE

nimi pi poki lipu li lon nimi ilo $NASINKIJE, la ilo kijetesantakaluotokieni li sona e lipu kije lon poki ni. ni la sina wile ala pana e nimi suli tawa --nimi. o kipisi e nimi poki lon nimi $NASINKIJE kepeken sitelen ":". sama ni: "/usr/local/share/kije:/home/mi/kije"

kepeken ken:

kijetesantakaluotokieni --kule wawa --nimi kuletesan tonsi li pona! jan lawa ale li ike.

echo Pingo pi n\'t go li sitelen | kijetesantakaluotokieni --kasi-nasa --kule KASI --pilin --ijo 🍁

pipi

pipi li suwi.

mama

mama pi ilo kijetesantakaluotokieni li kulupu lintukamakaki. soweli ilijana en soweli Awasi li pana e sona mute pi toki ilo Rust tawa mi.

mama sitelen pi "mani-majuna" li jan Tony Monroe. ona li pali e ilo cowsay.

o lukin e ni kin

cowsay, figlet